Fri, 07 Aug 2020

Cebuano News: Agusan Norte gisaulog ang 2020 World Population Day

Philippine Information Agency
16 Jul 2020, 20:38 GMT+10

DAKBAYAN SA BUTUAN, Hulyo 16 -- Gisaulog sa panggamhanang probinsyal sa Agusan del Norte ang World Population Day 2020 niadtong Hulyo 8, 2020 sa temang: "Putting the Brakes on COVID-19: How to Safeguard the Health and Rights of Women and Girls Now."

Pinaagi sa Provincial Social Welfare and Development Office sa pagpanguna ni Ms. Silver Joy B. Tejano, nagahimo kini og mga advocacy campaign pinaagi sa pagbutang og mga tarpulin sa mga isratehiyang lugar sa probinsya isip pamaagi sa pagpaabot sa mensahe niini ngadto sa katawhan.

Sa gihimong hamobo nga programa pinaagi sa POPCOM Virtual Academy via Facebook live, gipamulong ni Provincial Board Member Elizabeth Marie R. Calo, isip representante ni Gobernador Dale B. Corvera, nga ang mga programa kalabot sa maong selebrasyon mas mapalambo kung apilan nato og livelihood component ug nutrisyon.

"The programs will be more effective with the collaboration of all stakeholders both male and female. Ang mga gender issues like the VAWC can best addressed by empowering the women so that they can also contribute to family income. As to the health issue of COVID, the key is to boost our immune system. How? By living a healthy life: eat healthy and nutritious food and do exercises," matod pa ni Board Member Calo.

Tumong sa tinuig nga selebrasyon sa World Health Day nga nagsugod niadtong Hulyo 11, 1989 nga madugangan pa ang pagkahibalo sa katawhan sa matang sa populasyon ilabi na sa panahon karon sa pandemyang coronavirus.

Matod pa sa Commission on Population (POPCOM), Caraga Regional Office ubos sa liderato ni Regional Director Alexander Makinano, mitaas ang ihap sa katawhan sa rehiyong Caraga tungod sa gipatumang community quarantine diin anaa lamang sa balay ang mga magtiayon. (Jessica O. Mellejor, LGU Agusand el Norte/PIA Agusan del Norte)

More Tulsa News

Access More

Sign up for The Tulsa News

a daily newsletter full of things to discuss over drinks.and the great thing is that it's on the house!